Լոռու մարզպետի աշխատակազմ

Սիրելի´ շրջանավարտներ,

Շնորհավորում եմ դպրոցական Վերջին զանգի, Վերջին դասի կապակցությամբ:

Այսօր դուք թևակոխում եք առավել հասուն կյանք, ձեր առջև բացվում  է չափազանց պատասխանատու մի շրջափուլ, և առավել քան երբևէ պահանջվում է լինել առավել զգոն և պատասխանատու:

Դուք նոր ճանապարհի մեկնարկին եք: Երիտասարդներիցդ ոմանք իրենց սրբազան պարտքը կտան հայրենիքին՝ համալրելով Հայոց ազգային բանակի հերոսական շարքերը, ոմանք իրենց կրթությունը կշարունակեն կրթական այլ հաստատություններում, մյուսներն իրենց կայացման ճանապարհը կտեսնեն այլուր: Ինչպիսին էլ լինի ձեր կողմնորոշումը, ուզում եմ վստահ լինել, որ բոլոր ձեռնարկումներում կլինեք արդարամիտ, շիտակ ու ձեր ջանքերը կներդնեք բացառապես ի շահ բարու, լավի և ընդդեմ անարդարի ու չարամտության:

Մաղթում եմ, որ գեղեցիկ հիշողություններ տանեք այն կրթօջախներից, որտեղ անցել են ձեր կյանքի ամենաանհոգ տարիները, մաղթում եմ, որ այդ անհոգությունը, մարդկային հարաբերություների պարզությունն ու ազնվությունը, որ ունեցել  եք մանկության ու պատանեկության տարիերին, ուղեկից լինեն կյանքի դժվարին շրջափուլերում:

Ողջունում եմ նաև բոլոր ուսուցիչներին ու շրջանավարտների ծնողներին, քանզի այսօր նրանց համար ևս  նշանակալի և հուզումնառատ օր է:

Սիրելի՛ շրջանավարտներ

Եվս մեկ անգամ շնորհավորելով՝ մաղթում եմ ուրախ օր և երջանիկ ապագա: