Լոռու մարզպետի աշխատակազմ

Հարգելի՛ բարեկամներ 
Ջերմորեն շնորհավորում եմ Թանգարանների միջազգային օրվա առթիվ: Մեր երկիրը առանձնահատուկ հպարտությամբ է մասնակից դառնում այս տոնին, քանզի այն առավելապես հատուկ է հազարամյակների քաղաքակրթություն ունեցող այն սակավաթիվ ազգերին, որոնք աշխարհին ասելիք ունեն:Հայաստանն, այդ թվում և մեր չքնաղ Լոռին, թանգարան են բաց երկնքի տակ:

Մենք հպարտանալու շատ բաներ ունենք, քանզի քաղաքակիրթ ժողովուրդների շարքում մեր պատմության ու մշակույթի այցետոմսը հարուստ թանգարաններն են:
Թանգարաններն ու հուշարձանները սոսկ պատմության վավերագրեր չեն, այլև՝ տվյալ ժողովրդի ազգային ու պետական դիմագիծն ամբողջացնող դրսևորումներ: Լոռու մարզի առաջիկա տարիների ծրագրերում մեծ տեղ է հատկացված տուրիզմի զարգացմանը, հետևաբար մարզում գործող թանգարանները, պատմամշակութային բազմաթիվ հուշարձանները տուրիզմի զարգացման, մեր ժողովրդին հազարավոր օտարերկրացիների ներկայացնելու գործում մեծ դերակատարություն ունեն:

 Այս օրը առիթ է շնորհավորելու նաև թանգարանների գիտաշխատողներին, էքսկուրսավարներին և շնորհակալություն հայտնելու նրանց անշահախնդիր ու անձնվեր աշխատանքի համար: Վստահ եմ, որ այդ պատասխանատու գործը նրանք պատվով են կատարում՝ մշտապես ներդնելով նոր ու առաջավոր