Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Անդրեյ Ղուկասյանի շնորհավորական ուղերձը Աշխատանքի օրվա կապակցությամբ
30.04.2019
Հարգելի լոռեցինե՛ր,
Սրտանց շնորհավորում եմ ձեզ Աշխատանքի օրվա՝ Մայիսի 1-ի կապակցությամբ:
Հանրության կյանքում աշխատանքը մշտապես կարևորվել է, իսկ արժանապատիվ աշխատանքն՝ առավել ևս, քանզի այն ոչ միայն օջախի ու երկրի ամրապնդման, այլև լիարժեք կյանքի ապահովման միակ գրավականն է:
Այս տոնը նրանցն է, ովքեր իրենց ամենօրյա քրտնաջան աշխատանքով նպաստում են երկրի առաջընթացին` զարգացնելով մեր երկրի տնտեսությունը։
Մենք գիտակցում ենք, որ այսօր քաղաքացիները լուրջ ակնկալիքներ ունեն նոր իշխանություններից աշխատատեղերի ստեղծման, աշխատանքի շուկայի բարելավման, աշխատանքային հարաբերությունների իրավական կարգավորման և աշխատավարձերի բարձրացման հարցերում։ Այս բոլոր խնդիրների հետևողական լուծմանն ուղղված քայլերն արդեն իսկ տեսանելի են: Դրանցից առավել տեսանելիները հավասար մրցակցային պայմանների ապահովումն է, ստվերային երևույթների վերացումը, ներդրումների ներգրավումը, նոր աշխատատեղերի ստեղծումը մասնավոր հատվածում, պետական հիմնարկների աշխատակիցների աշխատավարձերի հետևողական բարձրացումը և այլն:
Մեր ջանքներն ուղղված են նաև նրան, որ աշխատող մարդը զգա՝ անկախ սոցիալական դրությունից, ընտանեկան վիճակից կամ տարիքից, իր աշխատանք անհրաժեշտ է պետության կայացման համար:
Մաղթում եմ բոլորիս արդյունավետ և ստեղծագործ աշխատանք` հանու´ն մեր ընտանիքների բարօրության և հանու´ն մեր երկրի անվտանգ ապագայի:
