Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Հրանտ Մարգարյանի շնորհավորական ուղերձը երիտասարդության միջազգային օրվա կապակցությամբ
12.08.2018
Թանկագին երիտասարդներ
Ջերմորեն շնորհավորում եմ ձեզ՝ երիտասարդների միջազգային օրվա առթիվ:
Մեր հանրության մեջ երիտասարդները մշտապես արժանացել են ջերմ վերաբերմունքի և դիտվել են՝ որպես ժողովրդի լավագույն հույսերն ու տեսլականները ապագայում իրագործողներ: Սակայն, Թավշյա հեղափողությունն ապացուցեց, որ մեր երիտասարդությունը ունակ է այսօր իսկ իրականացնելու դրանք՝ ի բարօրություն և՛ իրենց, և՛ ավագ սերնդի: Մենք հպարտ ենք ձեզնով:
Հենց ձեր շնորհիվ է, որ այսօր արդեն կարող ենք վստահ լինել մեր հայրենիքի հարատևության և ապագայի նկատմամբ: Այո՛, այդ դուք եք, ում համարձակ ծրագրերի իրագործումը թույլ կտա ունենալ մեր երազած հզոր Հայաստանը:
Թող այս տոնը, թանկագի՛ն երիտասարդներ, հանդիսանա ձեր համախմբման և միասնականության լավագույն ավանդույթի խորհրդանիշ:
Կրկին շնորհավորում եմ տոնի առթիվ, մաղթում աննահանջ երթ՝ նոր ու հպարտ, ազատ ու երջանիկ կյանքի, աշխատանքի ու արարման ուղիով:
