Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
ՀՀ Լոռու մարզպետ Արթուր Նալբանդյանի շնորհավորական ուղերձը Լոռու գրադարանավարներին՝ Գրադարանավարի օրվա առթիվ
06.10.2017
Հարգելի բարեկամներ,
Ջերմորեն շնորհավորում եմ Ձեզ և ձեր բազմահազար ընթերցողներին՝ գրադարանավարի օրվա առթիվ:
Լոռու մարզի գրադարանավարներդ ու մատենագետներդ մեծ դեր եք կատարում սերունդների գրագիտության բարձրացման, լայն աշխարհայացքի ձևավորման, հայրենասիրական դաստիարակության գործում: Ձեր ամենօրյա աշխատանքով, պարբերաբար կազմակերպվող հետաքրքիր միջոցառումներով մեծապես նպաստում եք լավագույն գրողների, գիտնականների, արվեստագետների հանրաճանաչությանը, մարդկության կուտակած գիտելիքների պահպանմանն ու նոր սերունդներին դրանց հետ հաղորդակից դարձնելուն:
Վերջին շրջանում, օգտագործելով տեղեկատվական տեխնոլոգիաների լայն հնարավորությունները՝ ինֆորմատիկայի, ինտերնետի և հեռահաղորդակցման մշակույթն արդեն մուտք է գործում գրադարաններ, և ուրախալի է , որ մեզանում ևս փորձեր են արվում այդ ուղղությամբ: Դրա արմատավորումն ու զարգացումը ժամանակի պահանջն է:
Կրկին շնորհավորելով Գրադարանավարի օրվա առթիվ՝ մաղթում եմ բոլորիդ քաջառողջություն և բարեկեցություն:
