Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արթուր Նալբանդյանի շնորհավորական ուղերձը Կանանց միջազգային օրվա կապակցությամբ
07.03.2017
Թանկագին կանայք, մայրեր և քույրեր.
Ջերմորեն շնորհավորում եմ Ձեզ կանանց միջազգային օրվա՝ Մարտի 8-ի կապակցությամբ:
Այս տոնը պարզապես գեղեցիկ առիթ է, որ մենք վերահաստատենք մեր անկեղծ զգացմունքները Ձեր նկատմամբ: Դուք մեզ համար թանկ եք բոլոր օրերին:
Լոռու կանայք իրենց արժանապատիվ վարք ու բարքով, մայրական հոգատարությամբ ու անպարփակ սիրով, ընտանիքում, տնտեսության մեջ ունեցած անդուլ աշխատանքով ու վաստակով, իրենց հասարակական ակտիվությամբ եղել և մնում են մեր խորին երախտագիտության ակունքն ու հասցեատերը:
Ի դեմս Ձեզ` մենք մեծարում ենք մեր ընտանիքների ջերմության և մեր հասարակության հասունության պահապաններին, քանի որ հանրային կյանքի բոլոր ոլորտներում դուք ստանձնել եք յուրահատուկ դերակատարում:
Մենք հպարտությամբ ենք նշում, որ բոլոր բնագավառներում ու ոլորտներում մշտապես զգում ենք Ձեր անփոխարինելի ներկայությունն ու վաստակը` լինի դա Հայոց բանակում, քաղաքական-հասարակական կյանքում, գյուղատնտեսության, մանկավարժության, առողջապահության, մշակույթի բնագավառներում, արդյունաբերության մեջ, թե` իրավապահպան մարմիններում:
Այժմ մեր երկրում կանայք շատ ավելի մեծ դեր ունեն, քան ունեցել են երբևէ: Սահմանադրական բարեփոխումներն այս գործընթացն ավելի խորացնելու միտում ունեն, և վստահ ենք, որ մեր երկրում, ժամանակի հետ, կանանց ավելացող դերակատարությունն իր հերթին շարունակաբար ամրացնելու է խաղաղ համակեցության, արդար աշխատանքի և ստեղծարարության առաջնային համարվող ուղղորդիչները:
Կրկին շնորհավորելով Մարտի 8-ի առթիվ` մաղթում եմ ձեզ ամենայն բարիք: Թո՛ղ ձեր ընտանիքներում և ձեր սրտերում միշտ իշխեն սերն ու ներդաշնակությունը»:
