Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արթուր Նալբանդյանի շնորհավորական ուղերձը Հայ Առաքելական Սուրբ եկեղեցու Գուգարաց թեմի առաջնորդ Սեպուհ արքեպիսկոպոս Չուլջյանի ծննդյան օրվա առթիվ
24.03.2016
Սրբազան հայր:
Ջերմորեն շնորհավորում եմ Ձեզ՝ ծննդյան տարեդարձի առթիվ:
Դուք Գուգարաց թեմի հոգևոր առաջնորդի անմնացորդ նվիրումով եք առաջնորդում հավատացյալ Ձեր հոտը: Ձեր կերպարով հույս, հավատ, զգոնություն և ուժ եք հաղորդում հավատացյալներին, օգնում դիմակայելու դժվարություններին, նպաստում հայ ազգային ավանդույթների պահպանմանը, քրիստոնեական հավատքի ամրապնդմանը: Անուրանալի է Ձեր մեծ ներդրումը Լոռու մարզում հոգևոր մշակույթի նորօրյա ձևավորման և զարգացման գործում: Նաև Ձեր ջանքերով պայմանավորված՝ մարզային և համայնքային իշխանությունների, Հայ առաքելական Սուրբ եկեղեցու օրեցօր սերտացող համագործակցությունն անշուշտ տալիս է իր բարեբեր պտուղները: Ձեր օրհնությամբ և հովանավորությամբ այսօր մարզում բազմաթիվ բարեգործական ծրագրեր են կյանքի կոչվում, որոնք օգնում են մեր ժողովրդի մեջ հույս և հավատ, հանդուրժողականություն սերմանելուն:
Կրկին անգամ շնորհավորելով՝ մաղթում եմ, որ երկնային Տերը Ձեզ պարգևի երկար տարիների քաջառողջ կյանք, անսպառ ուժ և կորով:
