Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետի շնորհավորական ուղերձը ուսանողության միջազգային օրվա կապակցությամբ
16.11.2015
Թանկագին ուսանողներ,
Ջերմորեն շնորհավորում եմ ուսանողության միջազգային օրվա կապակցությամբ:
Արդեն 76 տարի է, ինչ մոլորակի առաջադեմ ուսանողությունը նշում է այս օրը՝ վերահաստատելով երիտասարդ սերնդի ազատության, անկախության, ժողովրդավարության, առաջադեմ գաղափարների շուրջ իր կուռ համախմբվածությունը: Նրանց շարքերում նաև հայ ուսանողներն են, մեր ժողովրդի դարավոր ավանդույթների, լուսավորության ու իմաստնության, նորօրյա գիտության ու արվեստի ժառանգորդներն ու զարգացնողները:
Ես առանձնակի հպարտությամբ եմ ուզում նշել, որ եկող՝ 2016 թվականը հոբելյանական է լոռեցի ուսանողների և հայոց դպրության համար:
1050 տարի առաջ, Սանահինում, Խոսրովանույշ թագուհու կողմից հիմնադրվեց Սանահինի համալսարանը՝ փիլիսոփայության, երաժշտական, հռետորական և բժշկական վարժարաններով: Մենք այսօրվանից ենք նախապատրաստվում նշելու այդ տարելիցը և վստահ եմ, որ այդ տոնակատարության ամենաակտիվ մասնակիցներն ու հերոսները լինելու եք դուք, թանկագի՛ն ուսանողներ:
Կրկին շնորհավորում եմ ձեզ՝ տոնի առթիվ, մաղթում քաջառողջություն, հաջողություններ ուսման մեջ:
