Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետի շնորհավորական ուղերձը Երեխաների պաշտպանության միջազգային օրվա կապակցությամբ
31.05.2014
Հարգելի՛ բարեկամներ:
Մեր երկրում, արդեն 64-րդ անգամ՝ հունիսի 1-ին, մենք նշում ենք Երեխաների պաշտպանության միջազգային օրը:
Յուրաքանչյուր ընտանիք երջանիկ և ամուր է իր երեխաներով, ուստի սա ոչ միայն երեխաների, այլև բոլոր ընտանիքների տոնն է:
Նոր սերունդը, որպես ժողովրդի գոյատևման հիմնական երաշխիք, եղել և մնում է մարդկային արժեքների, մշակույթի ժառանգորդ-ժառանգողը, պահպանողն այն նվիրական տեսլականների, որոնցով իմաստավորվում է հանրության կյանքը: Ի վերջո, երեխաներն ընտանիքի սիրո, հարգանքի, հանդուրժողականության ու հավատարմության այն ակունքն են, առանց որոնց, անիմաստ են դառնում մարդկային բոլոր լավագույն ձգտումները: Ահա թե ինչու, երեխա ունեցող և հատկապես բազմազավակ ծնողները հանրության մեջ առավել հարգանքի են արժանանում:
Մեր պետականության համապատասխան օրենքներով, պետական, հասարակական ինստիտուտների մակարդակով, մենք կարևորում ենք մեր երեխաներին հարուստ գիտելիքներով և դաստիարակությամբ օժտելու գործը, կարևորում ենք երիտասարդ ընտանիքներին օժանդակելը, իսկ մատաղ սերունդներին երջանիկ մանկություն պարգևելը դիտում ենք առաջնահերթ խնդիր:
Ջերմորեն շնորհավորում եմ մեր բոլոր պայծառ մանուկներին նրանց Միջազգային օրվա առթիվ:
