Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետի շնորհավորական ուղերձը Թանգարանների միջազգային օրվա կապակցությամբ
16.05.2014
Հարգելի բարեկամներ:
Ջերմորեն շնորհավորում եմ Թանգարանների միջազգային օրվա առթիվ:
Հինավուրց ժողովուրդների, նրանց թվում հայ ժողովրդի վաղնջական և նորօրյա մշակութային արժեքների շտեմարաններ հանդիսացող թանգարանները քաղաքակրթության պատմության զարգացման այն վկայագրերն են, որոնցով հարյուրավոր սերունդներ են կրթվում, հաղորդակցվում, գնահատում ու արժեքավորում են միմյանց:
Մեր՝ Լոռու մարզում, գործում են հնագիտական, կերպարվեստի, երկրագիտական, ազգագրական՝ 7 և 4 տուն-թանգարաններ: Մենք ամենայն հոգատարությամբ ենք պահպանում նաև մեր պատմական ու նորօրյա հուշարձանները, որոնք մեր պատմության վկայագրերը լինելուց բացի բարձրարվեստ կոթողներ են աշխարհի քաղաքակրթության անդաստանում, և ինքնին հասկանալի է, թե որչափ կարևոր է մեզ համար թանգարանային աշխատողների գործունեությունը:
Կրկին շնորհավորում եմ տոնի առթիվ, մաղթում նորանոր հաջողություններ:
ԼՈՌՈՒ ՄԱՐԶՊԵՏ
ԱՐԹՈՒՐ ՆԱԼԲԱՆԴՅԱՆ
