Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Ուղերձներ, շնորհավորանքներ

Լոռու մարզպետ Արթուր Նալբանդյանի շնորհավորական ուղերձը Գրադարանավարի օրվա առթիվ

07.10.2013


Գրադարանային համակարգի հարգելի աշխատողներ, սրտանց շնորհավորում եմ ձեզ՝ ձեր մասնագիտական տոնի՝ գրադարանային աշխատողների օրվա կապակցությամբ:
Մատաղ սերնդի կրթության ու դաստիարակության գործում մեծ է նաև ձեր ներդրումը: Մեր ժողովուրդը մշտապես պաշտամունքի հասնող սիրով ու ակնածանքով է վերաբերել հայ գրին ու դպրությանը: Հայոց պատմության քառուղիներում մեր նախնիները հաճախ սեփական անձն ուրանալով՝ ջանացել են փրկել հայոց մեսրոպատառ մագաղաթ գրքերը: Դուք նույնպես այդ գրի ու գրականության կրողներն ու պահապաններն եք: Ձեր շնորիվ է նաև այօրվա մանուկի ու պատանու հոգում բոցավառվում սերը գրի ու գարականության նկատմամբ:
Տեխնիկական առաջընթացի, ժամանակակից տեխնոլոգիաների ներկա պայմաններում ձեր ուսերին դրված պատասխանատվությունն ավելի է մեծացել: Գիտատեխնիկական նորույթները արագորեն մտնելով մեր կենցաղ, երեխաներին վանում են գրքից, մինչդեռ գիրքը բոլոր ժամանակներում եղել և մնում է գիտելիքի ձեռքբերման հիմնական և ամենահուսալի աղբյուրը: Դուք բարեխղճորեն կատարում եք և պետք է շարունակեք ձեր ազնիվ գործը՝ դպրոցականի մեջ վառ պահելու սերը գրքի, ընթերցանության նկատմամբ:
Մեկ անգամ ևս շնորհավորելով բոլորիդ մասնագիտական տոնի կապակցությամբ՝ մաղթում եմ առողջություն և հաջողություններ բոլոր գործընթացներում:
 

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2021-01-22 17:19:24