Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Ձեզ անսահման երջանկություն և անափ սեր
05.04.2013
Թանկագին մայրեր:
Սրտանց շնորհավորում եմ ձեզ Մայրության և գեղեցկության գարնանային այս հիասքանչ տոնի առթիվ: Մաղթում եմ բոլորիդ անսահման երջանկություն և սեր:
Այս տոնը կրկնակի խորհուրդ ունի. այն առնչվում է մեր քրիստոնեական հավատքին և արմատներին, ինչը յուրահատուկ բովանդակություն է հաղորդում տոնին:
Ապրիլի 7-ի կապակցությամբ հնչող շնորհավորանքներին պետք է հավելենք նաև մեր անսահման երախտագիտությունն ու փաստենք, որ ընտանիքների ամրության, ազգապահպանության, ազգային ոգու հարատևման հարցում մշտապես առանցքային նշանակություն են ունեցել մայրերի և կանանց նշանակալի դերակատարումն ու բացառիկ նվիրումը:
Բնության վերազարթոնքն ազդարարող գարնան հետ յուրօրինակ կերպով համադրվող այս հիասքանչ տոնի առթիվ դարձյալ շնորհավորում եմ և մաղթում, որ մեր մայրերի, քույրերի, կանանց ու աղջիկների առօրյան լեցուն լինի միայն երջանիկ ակնթարթներով:
Արթուր Նալբանդյան
ՀՀ Լոռու մարզպետ
