Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Ուղերձներ, շնորհավորանքներ
Լոռու մարզպետ Արթուր Նալբանդյանի շնորհավորական ուղերձը Կանանց միջազգային օրվա առթիվ
05.03.2013
Թանկագին մայրեր,քույրեր
Կրկին հաճելի առիթ ունեմ Ձեզ ջերմորեն շնորհավորելու ամենանվիրական տոնի՝ գարնանաբույր Մարտի 8-ի առթիվ:
Տասնամյակներ շարունակ ձեր որդիները, եղբայրներն ու ամուսինները յուրահատուկ պատրաստակամությամբ են վերաբերվել այս օրվան և առանձնակի ջերմությամբ են շնորհավորել ձեզ՝ մաղթելով երջանիկ կյանք ու երկարակեցություն:
Պատանիները, իմ սերունդը ևս, ձնծաղիկների առաջին փնջերը հուզմունքով նվիրում էինք մեր մայրերին և ուսուցչուհիներին, համադասարանցի աղջիկներին ու բակի մանկության ընկերուհուն և դժվար էր զանազանելը՝ մե՞նք էինք ավելի ուրախանում դրանից, թե՞ իրենք: Ես մեր մայրերին ու քույրերին մաղթում եմ, որ այդ գնահատումն ու նվիրական զգացմունքը հարատևի բոլոր նոր սերունդների կյանքում, քանզի դուք, թանկագին մայրեր, քույրեր, արժանի եք ամենայն երախտագիտության ու անափ սիրո:
Ահա այդ զգացմունքներով էլ շնորհավորում եմ ձեր տոնը, մաղթում բարեկեցություն, խոր ծերություն ու թուռուծոռներով շրջապատված ուրախ տարիներ:
