Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետ Արամ Ղազարյանի շնորհավորական ուղերձը Մամուլի ազատության համաշխարհային օրվա առթիվ 03.05.2024
Զանգվածային լրատվության միջոցների հարգարժա՛ն ներկայացուցիչներ, սրտանց շնորհավորում եմ ձեզ Մամուլի ազատության համաշխարհային օրվա կապակցությամբ: Ազատ և անկախ մամուլը բացառապես ժողովրդավարական երկրների մենաշնորհն է, և Հայաստանի Հանրապետությունը, հանդիսանալով այդպիսի երկիր, կանգնած է անկախ մամուլի պաշտպանության դիրքերում: Որպես Լոռու մարզպետ՝ նույնպես մեծապես կարևորում եմ խոսքի ազատությունը և լրատվամիջոցների անխափան գործունեության երաշխավորումը, տեղեկատվության հասանելիությունը, հասարակության ու լրատվամիջոցների՝ տեղեկատվություն ստանալու իրավունքը: Չափազանց բարձր եմ գնահատում իրենց մասնագիտական պարտականությունները պրոֆեսիոնալ կերպով իրականացնող լրագրողներին և ցանկանում ընդգծել նրանց մեծ դերակատարությունը այլակարծության խթանման, հասարակական կարծիքի ձևավորման գործում:
«Պենժամին Գումուշճեան» տնկարանի տարածքում կառուցել է ջերմատուն և տեղադրել հակակարկտային ցանց 03.05.2024
ՀՀ-ում Ճապոնիայի դեսպանության աջակցությամբ Մարդկային անվտանգության «Grassroots» դրամաշնորհային ծրագրի շրջանակներում «Իմ անտառ Հայաստան» բնապահպանական հկ-ն Գուգարքի «Պենժամին Գումուշճեան» տնկարանի տարածքում կառուցել է ջերմատուն և տեղադրել հակակարկտային ցանց՝ նպատակ ունենալով Լոռու մարզում ընդլայնելու անտառապատման աշխատանքները: Բացման հանդիսավոր արարողությանը մայիսի 2-ին ներկա են եղել Լոռու մարզպետի տեղակալ Գոռ Ասրյանը, ՀՀ-ում Ճապոնիայի արտակարգ և լիազոր դեսպան, նորին գերազանցություն Յուտակա Աոկին, «Իմ անտառ Հայաստան» բնապահպանական կազմակերպության հիմնադիր-տնօրեն Անտրէ Գումուշճեանը, Վանաձորի համայնքապետարանի ներկայացուցիչներ, հյուրեր:
Քննարկվել են մարզի ջրային ռեսուրսների կառավարման վերաբերյալ օրախնդիր հարցեր 02.05.2024
ԱՄՆ ՄԶԳ «Հարավային Կովկասի տարածաշրջանային ջրային ռեսուրսների կառավարում» ծրագրի ներկայացման նպատակով Լոռու մարզպետի տեղակալ Գոռ Ասրյանի գլխավորությամբ ապրիլի 30-ին անց է կացվել հանդիպում-քննարկում: Հանդիպմանը մասնակցել են ՀԿՏՋՌԿ ծրագրի հայաստանյան ղեկավար Արա Նազինյանը, կառավարման մասնագետ Տատյանա Սարգսյանը, Լոռու մարզի համայնքների ղեկավարները, Լոռու մարզպետի աշխատակազմի պատասխանատու պաշտոնյաները, «Վեոլիա ջուր» ՓԲԸ-ի «Լոռի» շահագործման տեղամասի պետ Ալեքսանդր Բաղդասարյանը, ջրօգտագործող ընկերությունների ներկայացուցիչները:
Տնկվել է հացենու, սոճու, կեչու շուրջ 6000 տնկի 30.04.2024
Լոռու մարզպետի աշխատակազմը ապրիլի 27-ին մասնակցել է ՀՀ շրջակա միջավայրի նախարարության նախաձեռնությամբ կազմակերպված գարնանային համապետական ծառատունկին։ Լոռու մարզպետի տեղակալ Գոռ Ասրյանը, մարզպետի աշխատակազմի պատասխանատու պաշտոնյաները «Հայանտառ» ՊՈԱԿ-ի Տաշիրի անտառտնտեսության մասնաճյուղում՝ Սարատովկա բնակավայրի վարչական տարածքում, շուրջ 2 հա մակերեսի վրա տնկել են հացենու, սոճու, կեչու շուրջ 6000 տնկի։
Լոռու մարզում Լոռու մարզպետի տեղակալ Գոռ Ասրյանն ապրիլի 26-ին ընդունել է Ֆրանսիայի «Սեպտեմ լե Վալոն քաղաքի և հարակից շրջանների հայկական ծագում ունեցող ֆրանսիացիների մշակութային միության» նախագահ Լյուդովիկ Պասկինուչչիին, կազմակերպության այլ ներկայացուցիչների: Հանդիպմանը ներկա են եղել Լոռու մարզպետի աշխատակազմի պատասխանատու պաշտոնյաներ: Միության նախագահը տեղեկացրել է, որ Լոռու մարզի Լոռի Բերդ համայնքի Յաղդան բնակավայրում նախաձեռնել են իրականացնելու գյուղատնտեսության՝ մասնավորապես ջերմոցային տնտեսության զարգացման, ինչպես նաև բնակավայրի զբոսաշրջային գրավչության բարձրացմանն ուղղված ծրագրեր: Ֆրանսիայի Պրովանս Ալպեր Կոտ դ՛ Ազյուր շրջանի հետ համագործակցությամբ նաև նպատակ ունեն արևային ֆոտովոլտային կայան տեղադրելու Վանաձորի թիվ 25 դպրոցում:
Քաղաքացիների ընդունելություն՝ Լոռու մարզպետարանում 29.04.2024
Լոռու մարզպետի տեղակալ Գոռ Ասրյանը ապրիլի 26-ին քաղաքացիների ընդունելություն է անցկացրել: Բարձրացված խնդիրներին, ըստ ոլորտների, առավել համակողմանի պարզաբանումներ տալու նպատակով ընդունելությանը ներկա են եղել նաև Լոռու մարզպետի աշխատակազմի առողջապահության և սոցիալական ոլորտի հարցերի վարչության պետ Ռուզաննա Պողոսյանը, կրթության, մշակույթի և սպորտի վարչության պետ Գարեգին Քարհանյանը, մարզպետի աշխատակազմի պատասխանատու այլ պաշտոնյաներ:
