Լոռու մարզպետի աշխատակազմ

Լոռու մարզպետ Արամ Ղազարյանի շնորհավորական ուղերձը Պարի միջազգային օրվա առթիվ 29.04.2024

Պարարվեստի հարգարժա՛ն ներկայացուցիչներ, սրտանց շնորհավորում եմ ձեզ Պարի միջազգային օրվա կապակցությամբ: Պարն արվեստներից հնագույնն է և դեռևս վաղնջական ժամանակներում հանդիսացել է մարդու հույզերն ու ապրումներն արտահատելու հնարավորություն: Պարի միջոցով ներկայացվել են տարբեր ծիսակարգեր ու արարողություններ՝ թե՛ տխրության ու թե՛ ուրախության ժամանակ:

Լոռու մարզպետ Արամ Ղազարյանի շնորհավորական ուղերձը Քաղաքացու օրվա կապակցությամբ 26.04.2024

Սիրելի՛ հայրենակիցներ, լոռեցինե՛ր, ի սրտե շնորհավորում եմ Քաղաքացու օրվա կապակցությամբ: Օրվա ամրագրումը Հայաստանի Հանրապետության տոնացույցում նպատակ ունի կարևորելու քաղաքացու առանցքային դերակատարությունը պետության համար կարևոր հարցերի լուծման, որոշումների կայացման գործում, քաղաքացուն ներկայացնելու՝ որպես ժողովրդավարական պետության բարձրագույն արժեք: Միակամ ու միասնական լինելու գաղափարն է նաև դրված այս տոնի հիմքում՝ այն շեշտադրմամբ, որ համախմբվածությամբ և մեկս մյուսիս վստահելով՝ կարող ենք իրականություն դարձնել զարգացած, պաշտպանված ու անվտանգ պետություն ունենալու մեր տեսլականը:

Լոռու մարզպետ Արամ Ղազարյանի ուղերձը Ցեղասպանության զոհերի հիշատակի օրվա կապակցությամբ 25.04.2024

Սիրելի՛ հայրենակիցներ, լոռեցինե՛ր, այսօր՝ ապրիլի 24-ին՝ Հայոց ցեղասպանության զոհերի հիշատակի օրը, ողջ հայությունը՝ Հայաստանում և Սփյուռքում, գլուխ է խոնարհում 20-րդ դարի առաջին ցեղասպանության անմեղ զոհերի հիշատակի առջև։ Ավելի քան մեկ ու կես միլիոն հայ զոհ գնաց Օսմանյան կայսրության կողմից իրականացված ցեղասպանությանը: Հարյուր հազարավոր հայեր էլ, հաղթահարելով անմարդկային տառապանքները, բռնեցին գաղթի ճամփան՝ վերահաստատվելով մայր Հայաստանում կամ սփռվեցին աշխարհով մեկ՝ ձևավորելով հայկական Սփյուռքը: Մենք կորցրեցինք նաև մեր՝ դարերով կերտված հոգևոր, նյութական ու մշակութային արժեքների մի մասը:

Լոռու մարզպետ Արամ Ղազարյանի ուղերձը Ոստիկանության օրվա կապակցությամբ 16.04.2024

Հայաստանի Հանրապետության ոստիկանության հարգելի՛ ծառայողներ, վետերաններ, ջերմորեն շնորհավորում եմ ձեզ մասնագիտական տոնի առթիվ: Հայաստանի Հանրապետության ոստիկանությունը մշտապես և այսօր էլ՝ պատվախնդրորեն իրականացնում է քաղաքացու իրավունքների ու ազատությունների, մարդու, հասարակության և պետության շահերի պաշտպանությունը, կանխարգելում հանցագործությունները, անողոք պայքար մղում հանցավորության դեմ:

Լոռու մարզպետ Արամ Ղազարյանի շնորհավորական ուղերձը Մայրության և գեղեցկության տոնի առթիվ 05.04.2024

Սիրելի՛ կանայք, մայրե՛ր, քույրե՛ր և դուստրե՛ր, Սուրբ Մարիամ Աստվածածնի Ավետման խորհրդով ջերմորեն շնորհավորում եմ ձեզ Մայրության և գեղեցկության տոնի առթիվ: Հայ կնոջ նվիրվածությունն օջախին, նրա դերը սերունդների հայրենանվեր դաստիարակության գործում, նրա ավանդը ազգային արժեհամակարգի պահպանման ու կատարելագործման հարցում արժանի է միայն մեծարման ու խոնարհումի: Կնոջն ի վերուստ տրված ամենավեհ առաքելությունը մայրությունն է: Թանկագին մայրեր, անգնահատելի է ձեր դերը մեր կյանքում: Ուստի, այս տոնական օրվա շնորհավորանքներին պետք է գումարենք նաև մեր անսահման երախտագիտությունը հայ մայրերի հանդեպ: