Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
«Առողջ ապրելու իմ քայլը» ծրագիրը՝ նաև Լոռու մարզում
07.03.2019
Լոռու մարզպետ Անդրեյ Ղուկասյանը մարտի 6-ին ընդունեց «Լե Լաբողատուաղ Սեղվիե» դեղագործական ընկերության հայաստանյան ներկայացուցչությանը՝ տնօրեն Գագիկ Վելիջանյանի գլխավորությամբ: Հանդիպմանը ներկա էր նաև մարզպեարանի առողջապահության և սոցիալական ապահովության վարչության պետ Արթուր Մխիթարյանը:
Ընկերության ներկայացուցիչները մարզի ղեկավարին ներկայացրեցին իրենց կողմից իրականացվող «Առողջ ապրելու իմ քայլը» ծրագիրը՝ նշելով, որ ներկայում այն իրականացվում է առողջապահության նախարարության հիվանդությունների վերահսկման և կանխարգելման ազգային կենտրոնի (ՀՎԿԱԿ), Արմավիրի, Արարատի մարզպետարանների և «Լե Լաբողատուաղ Սեղվիե» դեղագործական ընկերության հայաստանյան ներկայացուցչության համագործակցությամբ: Ընկերությունը նպատակ ունի ընդլայնելու գործունեության շրջանակները և նմանատիպ ծրագիր իրականացնելու նաև Լոռու մարզում: Այն ուղղված է բնակչության շրջանում զարկերակային գերճնշման, շաքարային դիաբետի, քրոնիկ երակային հիվանդության վաղ հայտնաբերմանը և առողջ ապրելակերպի քարոզչությանը: Գ. Վելիջանյանը, պարզաբանելով ծրագրի էությունը, նշեց, որ առողջության առաջնային պահպանման օղակի հետ սերտ համագործակցությամբ առանձնացվում է մարդկանց այն խումբը, որոնք գրեթե չեն այցելում համաբուժարաններ: Այնուհետ ընտանեկան բժիշկները տնայցեր են կատարում՝ հենց տեղում իրականացնելով հետազոտություններ: Անհրաժեշտության դեպքում հիվանդներն ստանում են խորհրդատվություն:
Ողջունելով նախաձեռնությունը և շնորհակալություն հայտնելով Լոռու մարզը ևս ներգրավելու համար՝ մարզպետը համագործակցության պատրաստակամություն հայտնեց:
Ծրագիրը կմեկնարկի մոտ մեկ ամսից:
