Տեղեկատվական կենտրոն
Նորություններ
Անդրեյ Ղուկասյանը օլիմպիադայի մասնակիցներին հաջողություն մաղթեց
04.03.2019
«Հայոց եկեղեցու պատմություն» առարկայից անցկացվող օլիմպիադայի մարզային փուլին այսօր ներկա գտնվեց մարզպետ Անդրեյ Ղուկասյանը Լոռու մարզպետարանի կրթության, մշակույթի և սպորտի վարչության պետ Ռաֆայել Հարությունյանի ուղեկցությամբ:
Մարզի ղեկավարը հետաքրքրվեց երեխաների պատրաստվածությամբ, ընդհանուր առաջադիմությամբ: Ա. Ղուկասյանը աշակերտներին հաջողություն մաղթեց՝ հույս հայտնելով, որ Լոռու մարզի դպրոցականները բարձր արդյունքներ կցուցաբերեն նաև հանրապետական փուլում:
Ինչպես արդեն տեղեկացրել ենք, դպրոցական առարկայական օլիմպիադաների մարզային փուլը մեկնարկել է փետրվարի 23-ին և կշարունակվի մինչև մարտի 13-ը: Հանրապետական փուլը կմեկնարկի մարտի 21-ին և կշարունակվի մինչև մայիսի 13-ը, որին մասնակցելու իրավունք կստանան մարզային փուլում բարձր արդյունքներ ցուցաբերած աշակերտները: