Պաշտոնական էլ. փոստ

(միայն www.e-citizen.am համակարգով ծանուցումների համար)

Տպել

Տեղեկատվական կենտրոն

Նորություններ

Վանաձորի մանկատան խոհանոցն ամբողջությամբ վերանորոգվել և կահավորվել է

03.11.2018

 Արաբական Միացյալ Էմիրությունների դեսպանատան աջակցությամբ Վանաձորի մանկատան խոհանոցն ամբողջությամբ վերանորոգվել և կահավորվել է:
Խոհանոցի բացմանն այսօր ներկա գտնվեցին մարզպետ Անդրեյ Ղուկասյանը, փոխմարզպետ Արամ Խաչատրյանը, Վանաձոր համայնքի ղեկավար Մամիկոն Ասլանյանը և Հայաստանում Արաբական Միացյալ Էմիրությունների դեսպան
Ն.Գ. պարոն Ջասիմ Մուհամմադ Ալ Կասիմին:
Նրանք տնօրեն Մարինե Դավթյանի ուղեկցությամբ շրջայց կատարեցին մանկատանը, ծանոթացան տարվող աշխատանքներին: Անդրեյ Ղուկասյանը ցանկություն հայտնեց նաև մանկատան երեխաների ձեռքի աշխատանքներից մեկը գնել՝ աշխատասենյակում փակցնելու համար: Ներկաների մեծամասնության խորհրդով նա վերցրեց հայոց այբուբենը պատկերող գոբելեն աշխատանքը: Մարզպետը շնորհակալություն հայտնեց դեսպանին՝ նմանատիպ մեծ աջակցություն մանկատանը ցուցաբերելու համար: Նա նշեց, որ չափազանց կարևորում է այս կառույցի գործունեությունը և վստահեցրեց, որ իր այցերը պարբերական բնույթ են կրելու:
Հյուրերը ներկա գտնվեցին նաև մանկատան երեխաների կողմից պատրաստված գեղարվեստական միջոցառմանը:

← Վերադառնալ ցուցակին

Բաժանորդագրում նորություններին

Տեխնիկական դիտողություններն կարող եք ուղարկել կայքի վեբ-մաստերի էլեկտրոնային փոստին: Կայքը պատրաստված է Helix ընկերության կողմից:
Վերջին թարմացումը՝ 2024-03-29 15:00:02