Տեղեկատվական կենտրոն
Նորություններ
«Ճամփորդող երգիչախումբը»՝ Վանաձորյան բեմում
18.04.2018
ՀՀ մշակույթի նախարարության աջակցությամբ Կոմիտասի անվան միջազգային փառատոնի շրջանակներում Հայաստանում են «Ճամփորդող երգիչախումբը» Ֆրանսիայի Բորդո քաղաքից: Երգչախումբը համերգներով հանդես է գալիս Երևանում և ՀՀ մարզերում: Ապրիլի 17-ին մարզպետարանի աջակցությամբ երգչախումբը համերգով հանդես եկավ Վանաձորի Էդ. Կզարթմյանի անվան երաժշտական դպրոցի դահլիճում: Համերգին մասնակցում էր նաև Վանաձորի կամերային երգչախումբը:
Լոռու մարզպետ Արթուր Նալբանդյանի անունից երգչախմբին ֆրանսերեն լեզվով ողջունեց մարզպետի խորհրդական Լևոն Ասլանյանը: Նա կարևորեց հատկապես այն հանգամանքը, որ Ֆրանսիայից ժամանած երգչախմբի համերգն անց է կացվում Ֆրանկոֆոնիայի երկամսյակի շրջանակներում:
Ողջույնի խոսքով հանդես եկավ նաև Կոմիտասի անվան միջազգային փառատոնի գեղարվեստական ղեկավար Տիգրան Հեքիքյանը:
Համերգային ծրագիրը հագեցած էր ինչպես ֆրանսիական, այնպես էլ հայկական սիրված երգերով: Երգչախմբերը հանդես եկան նաև համատեղ կատարումներով՝ մեծ բավականություն պարգևելով հանդիսատեսին: