Լոռու մարզպետի աշխատակազմ

 ՀՀ Լոռու մարզպետարանի աշխատակազմի Ներքին աուդիտի բաժնի կողմից 2017թ. ընթացքում կատարված աշխատանքների մասին զեկուցմամբ այսօր հանդես եկավ նաև բաժնի պետ Լևոն Բերոյանը: Հաշվետվությանը ներկա էին էին Լոռու մարզպետ Արթուր Նալբանդյանը, փոխմարզպետ Արսեն Դարբինյանը մարզպետարանի աշխատակազմի ղեկավար Նարեկ Սարգսյանը, տեղակալ Վալերի Խաչատրյանը, մարզպետի խորհրդական Լևոն Ասլանյանը, օգնական Արման Սարգսյանը:
Բաժնի պետի ներկայացմամբ՝ 2017թ. տարեկան ծրագրի շրջանակներում ՀՀ Լոռու մարզպետարանի աշխատա¬կազմի ներքին աուդիտի բաժնի կողմից իրականացվել է 78 աուդիտ՝ մարզային ենթակայության կրթական և առողջապահա¬կան ընկերություններում:
Հրավիրվել է մարզպետարանի Ներքին աուդիտի կոմիտեի 3 նիստ, քննարկվել են աուդիտի հաշվետվությունները, կայացվել են համապա¬տասխան որոշումներ, որոնց հիման վրա խախտում թույլ տրված երկու ՊՈԱԿ-ի տնօրեններ ենթարկվել են կարգապահական տույժի` ստացել խիստ նկատո¬ղություն, իսկ ևս երկուսը՝ «նկատողություն»: Արձանագրվել են 51.5 մլն. դրամի տարաբնույթ խախտումներ, որից շուրջ 4.24 մլն. դրամը վերականգնման կամ վերաձևակերպման գումար է/նախորդ տարի՝ 10.09մլն. դրամ/, որից ավելի քան 1.5 մլն. դրամը ենթակա է պետբյուջե վերադարձման/նախորդ տարի՝2.1 մլն. դրամ/:
Նախկինում աուդիտի ընթացքում արձանագրվել են մի շարք խախտումներ, սակայն բաժնի պետի վստահեցմամբ՝ 2013թ. համեմատ 2017թ. պատկերը կտրուկ լավացել է, նվազագույնի են հասցված նախկին խախտումները և թերությունները:
-Ելնելով դրանից՝ Աուդիտի բաժինը, հիմք ընդունելով իր հնգամյա գործունեությունը, նախատեսում է հետագա աշխատանքներում ներառել այն գործառույթները, որոնք վերադաս ստուգող մարմինների (մաս¬նա¬վո¬րապես՝ ՀՀ վերահսկիչ պալատ, ՀՀ ֆինանսների նախարարու¬թյուն, Առող¬ջա¬պահության նախարա-րություն, Աշխատանքի և սոցիա¬լա¬կան հարցերի նախարություն, Կրթության և գիտության նախարարու¬թյուն և այլն) ուշադրության կենտրոնում են՝ դրանով իսկ առավել հստակեցնել և կառավարելի կարելի է դարձնել մարզում հետա¬գա ստուգումների ընթացքը՝ բացառելով խախտումները և թերացումները:
Մարզպետի կողմից գրություններ են հասցեագրվել աուդիտի ենթարկված կազմակերպությունների տնօրեններին: Ներքին աուդիտի բաժնի կողմից արձանագրված գումարային խախտումների վերականգնման նպատակով կազմվել են ժամանակացույցեր, ներկայացվել են փաստացի վերականգնված գումարները հիմնա-վորող փաստաթղթեր: Ներքին աուդիտի բաժնի աշխատակիցների կողմից իրականացվում է ամենօրյա խորհրդատվական աշխատանք, իսկ անհրաժեշտության դեպքում կազմակերպվում են ղեկավարների և հաշվապահների մասնակցու¬թյամբ համա-պատասխան թեմատիկ խորհրդակ¬ցություններ: Ստեղծված է գործունեության գրագետ և փոխվստահու¬թյան միջավայր՝ ՀՀ օրենսդրության պահանջներին համապատաս¬խան։
Մարզի ղեկավարն ընդհանուր առմամբ իր գոհունակությունը հայտնեց կատարված աշխատանքներից՝ համոզմունք հայտնելով, որ 2018թ.-ին ջանքերը կկրկնապատկվեն: