Տեղեկատվական կենտրոն
Նորություններ
Մարզի ղեկավարը նվերներ հանձնեց նորածին փոքրիկներին
08.01.2018
Հունվարի 6-ին, ավանդույթի համաձայն, Լոռու մարզպետ Արթուր Նալբանդյանը և Գուգարաց թեմի առաջնորդ տեր Սեպուհ արքեպիսկոպոս Չուլջյանն այցելեցին Վանաձորի բժշկական կենտրոնի ծննդաբերական բաժանմունք: Մարզի ղեկավարը շնորհավորեց 2018 թվականին մայրացած կանանց, իսկ նրանց նորածին զավակներին հանձնեց նվերներ`բարեմաղթելով արևշատություն, անփորձանք և խաղաղ մանկություն: Բաժանմունքի վարիչը մարզի ղեկավարին տեղեկացրեց, որ 2018 թ. վեց օրերի ընթացքում Վանաձորում լույս աշխարհ է եկել 20 երեխա:
Ալավերդու բժշկական կենտրոնում այս տարի լույս աշխարհ եկած փոքրիկներին ևս մարզի ղեկավարի կողմից նվերներ ուղարկվեցին: