Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Խորհրդակցություն Վանաձորի քաղաքապետարանում
24.10.2017
Մի շարք հրատապ խնդիրների քննարկման նպատակով Լոռու մարզպետ Արթուր Նալբանդյանը խորհրդակցություն անցկացրեց Վանաձորի քաղաքապետարանում՝ քաղաքապետ Մամիկոն Ասլանյանի և քաղաքապետարանի պատասխանատու պաշտոնյաների մասնակցությամբ:
Օրակարգի առաջին հարցը վերաբերում էր Վանաձորի զարգացման հայեցակարգին, մարզկենտրոնում իրականացվելիք ներդրումային ծրագրերին: Մարզի ղեկավարն առաջարկեց աշխատանքային խումբ ստեղծել, որը ամենօրյա աշխատանք կտանի համապատասխան կառույցների հետ:
- Վանաձորի զարգացման հայեցակարգը մեզ համար չափազանց կարևոր է, ուստի գործին պետք է լծվենք ամենայն պատասխանատվությամբ,-ասաց մարզպետը:
Նա խստորեն անդրադարձավ նաև մարզկենտրում իրականացվող ամենօրյա աղբահանության և սանմաքրման խնդիրներին՝ պահանջելով առավել հետևողական լինել և վերահսկել նշյալ ծառայությունները մատուցող կազմակերպության աշխատանքը:
Մարզի ղեկավարն անդրադարձավ նաև 2018թ. բյուջեի կազմման գործընթացին:
