Լոռու մարզպետի աշխատակազմ

 Այսօր ևս մարդաշատ էին Վանաձորի, Ալավերդու, Ստեփանավանի, Սպիտակի, Տաշիրի զինվորական կոմիսարիատների բակերը. նորակոչիկներին Հայոց ազգային բանակ էին ճանապարհում ծնողներն ու հարազատները: Նրանց բարի ճանապարհ ու աննկուն ծառայություն մաղթելու էին եկել նաև մարզային և քաղաքային իշխանությունների ներկայացուցիչները: Լոռու մարզպետ Արթուր Նալբանդյանը մարզպետի տեղակալ Հովհաննես Թադևոսյանի և մարզպետարանի այլ պաշտոնատար անձանց ուղեկցությամբ այս անգամ Սպիտակ քաղաքում էր:
Սպիտակի տարածաշրջանի նորակոչիկներին հանդիսավորությամբ ճանապարհելու նպատակով Սպիտակի քաղաքապետարանի ջանքերով գեղեցիկ միջոցառում էր կազմակերպվել: Մարզի ղեկավարը, ով նաև Լոռու մարզային զորակոչային հանձնաժողովի նախագահն է, ողջերթի ջերմ խոսքեր հղեց երիտասարդներին՝ մաղթելով, անկոտրում կամք, անփորձանք ծառայություն, բարի վերադարձ: Ավանդույթի համաձայն նրա կողմից բոլոր նորակոչիկներին առաջին անհրաժեշտության պարագաներ նվիրեցին:
Մյուս տարածաշրջաների զինակոչիկներին բարի ծառայություն մաղթեցին և մարզի ղեկավարի անունից առաջին անհրաժեշտության պարագաներ նվիրեցին մարզպետի տեղակալները՝ Ալավերդիում՝ Արսեն Դարբինյանը, Ստեփանավանում՝ Տիգրան Բադոյանը: