Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Հերթական աջակցությունը խոշորացված համայնքին
29.04.2017
Մեկ տարի առաջ խոշորացված Թումանյան համայնքի մեքենայական հավաքակայանը օրերս ԱՄՆ ՄԶԳ ծրագրով համալրվեց երեք անուն արդիական մեքենաներով՝ մեկական «Կամազ» մակնիշի բեռանատար ու աղբատար ավտոմեքենաներով և անգլիական արտադրության մեկ բազմաֆունկցիոնալ տրակտորով: Ծրագրի ընդհանուր արժեքը 171 մլն դրամ է՝ համայնքի ընդամենը 4 մլն դրամ համաներդրումով:
Ինչպես նշեց համայնքի ղեկավար Լևոն Զավարյանը, դա անգնահատելի աջակցություն է իրենց համար ինչպես Թումանյան քաղաքում, այնպես էլ՝ համայնքի կազմում գտնվող գյուղերի ներհամայնքային և միջհամայնքային ճանապարհների բարեկարգման, աղբահանության կազմակերպման, ջրագծերի և այլնի կառուցման գործում: Ըստ համայնքի ղեկավարի, առաջիկայում ծրագրի շրջանակներում կստացվեն նաև «Գազել» մակնիշի երկու միկրոավտոբուսներ, որոնք կծառայեն հատկապես գյուղական վայրերում դպրոցականների տեղափոխմանը:
Համայնք կատարած այցելության օրը գյուղտեխնիկային ծանոթացան և բարձր տպավորություն ստացան Լոռու մարզպետ Արթուր Նալբանդյանը, մարզպետարանի մի խումբ պաշտոնյաներ:
