Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Լոռու մարզպետը մասնակցել է Սուրբ պատարագին
18.04.2017
Կիրակի առավոտյան բոլոր եկեղեցիներում մատուցվեց արդեն զատկական Սուրբ Պատարագ: Վանաձորի առաջնորդանիստ Սուրբ Գրիգոր Նարեկացի եկեղեցում պատարագիչն էր թեմակալ առաջնորդ Տեր Սեպուհ արքեպիսկոպոս Չուլջյանը: Սրբազան Հայրը նախ փոխանցեց Հայոց Հայրապետի զատկական պատգամը, ապա իր օրհնության խոսքն ուղղեց ներկաներին:
Պատարագին ներկա էին Լոռու մարզպետ Արթուր Նալբանդյանը, քաղաքապետ Մամիկոն Ասլանյանը, խաչքավոր Ռոբերտ Ղուբաթյանը, մարզային ու քաղաքային իշխանության այլ ներկայացուցիչներ և բազում հավատացյալներ:
Պատարագի ավարտին Սուրբ Գրիգոր Նարեկացի եկեղեցու խաչքավոր Ռոբերտ Ղուբաթյանի, Սուրբ Աստվածածին եկեղեցու խաչքավոր Արմեն Մխոյանի, Սուրբ Սարգիս եկեղեցու խաչքավոր Արմեն Կարապետյանի կողմից հազարավոր զատկական հավկիթներ բաժանվեցին հավատացյալ ժողովրդին:
