Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Քաղաքացիների ընդունելություն
10.03.2017
Մարտի 9-ին Լոռու մարզպետ Արթուր Նալբանդյանն անցկացրեց քաղաքացիների ընդունելություն, որին մասնակցեց ավելի քան 30 քաղաքացի Վանաձորից, Գուգարքի և Թումանյանի տարածաշրջաններից:
Նրանց հարցերին առավել սպառիչ պատասխաններ տալու նպատակով ընդունելությանը ներկա էին նաև մարզպետարանի ոլորտային պատասխանատու աշխատակիցներ: Սոցիալական աջակցության խնդրանքով եկած 13 քաղաքացու մարզպետը պատրաստակամություն հայտնեց ֆինանսական աջակցություն տրամադրել: Անվճար բուժօգնություն ստանալու ակնկալիքով եկած չորս քաղաքացու ևս Ա. Նալբանդյանը դրական պատասխան տվեց՝ առաջարկելով համապատասխան բովանդակությամբ դիմումներ ներկայացնել:
«Երկրաշարժի հետևանքով անօթևան մնացած ընտանիքների բնակապահովման ծրագրի» շահառու հանդիսացող Ուռուտ համայնքի բնակչին մարզպետը պատասխանեց, որ մինչև 2018թ.-ը խնդրին ամբողջական լուծում կտրվի, և ծրագիրը վերջնականապես ավարտին կհասցվի:
Բնակարանային պայմանների բարելավման, կոմունալ-կենցաղային հարցերով եկած բնակիչներին առաջարկվեց դիմել իրենց համայնքների ղեկավարներին:
Աշխատանքի տեղավորման հարցով դիմած քաղաքացիներին մարզպետը խոստացավ հնարավորության սահմաններում օգտակար լինել:
Սպառիչ պատասխաններ տրվեցին նաև այլ հարցերի:
