Տեղեկատվական կենտրոն
Նորություններ
Համայնքների ցանկացած խնդիր պետք է լինի մեր ամենօրյա ուշադրության կենտրոնում
12.01.2017
Այսօր Լոռու մարզպետ Արթուր Նալբանդյանն անցկացրեց գործակարգավարական խորհրդակցույթուն՝ փոխմարզպետների, կառուցվածքային ստորաբաժանումների պետերի մասնակցությամբ: Օրակարգի միակ հարցը մարզի՝ հիմնականում գյուղական համայնքների, դպրոցների, առողջապահական հիմնարկների նկատմամբ խիստ վերահսկողություն սահմանումն էր: Մարզի ղեկավարը մարզպետարանի համապատասխան ստորաբաժանումների ղեկավարներին հանձնարարականներ տվեց.
-Յուրաքանչյուր շաբաթ լինել առնվազն երեք համայնքում՝ վերահսկելով համայնքապետարանների պատշաճ գործունեությունը: Ամենօրյա հսկողության տակ պահել միջհամայնքային ճանապարհները, առողջապահական հիմնարկների գործունեությունը, կրթօջախները, խստորեն վերահսկել համայնքային բյուջեների թե՛ եկամտային, թե՛ ծախսային մասերը: Համայնքների ցանկացած խնդիր պետք է լինի մեր ամենօրյա ուշադրության կենտրոնում,-ասաց մարզպետը:
Նա նշեց, որ բացթողումների համար պատասխանատվություն են կրելու ոլորտային պատասխանատուները: