Տեղեկատվական կենտրոն
Նորություններ
Պարի պետական համույթի համերգը Լոռու մարզում
27.09.2013
Սեպտեմբերի 26-ին Շառլ Ազնավուրի մշակույթի պալատում տեղի ունեցավ Հայաստանի Հանրապետության Պարի պետական անսամբլի համերգը (գեղարվեստական ղեկավար և գլխավոր պարուսույց` Ասատուր Կարապետյան, երաժշտական մասի ղեկավար, կոմպոզիտոր` Հայկ Գրիգորյան):
Այն կազմակերպվել էր ՀՀ մշակույթի նախարարության նախաձեռնությամբ: Լոռու մարզում կազմակերպչական հարցերին աջակցել էր Լոռու մարզպետարանի կրթության, մշակույթի և սպորտի վարչությունը: Համերգային ծրագիրը բավականին հագեցած էր: Այն անցավ ջերմ մթնոլորտում: Հանդիսատեսը համույթի կատարումներն արժանացրեց ջերմ ծափողջույնների:
Կրթության, մշակույթի և սպորտի վարչության, մշակույթի և սպորտի բաժնի առաջատար մասնագետ Մհեր Մելիքյանը ողջույնի խոսք հղեց Լոռու մարզպետ Արթուր Նալբանդյանի անունից ՝ շնորհակալագիր հանձնելով համույթի կոլեկտիվին: