Պաշտոնական էլ. փոստ
(միայն www.e-citizen.am համակարգով ծանուցումների համար)
Տեղեկատվական կենտրոն
Նորություններ
Երթ՝ Եղեռնը դատապարտող կոչերով
24.04.2013
Ապրիլի 23-ին երեկոյան մեկնարկեց Հայոց Մեծ Եղեռնին նվիրված երթ՝ Վանաձորի Սուրբ Գրիգոր Նարեկացի եկեղեցուց մինչև Սուրբ Աստվածածին եկեղեցի: Երթը կազմակերպվել էր «Երիտասարդական հիմնադրամի» Լոռու մարզային կենտրոնի, «Լոռու երիտասարդ սերունդ» հասարակական կազմակերպության, Գուգարաց թեմի և մարզկենտրոնի բուհերի ուսանողական խորհուրդների նախաձեռնությամբ: Մասնակցում էին ավելի քան հազար երիտասարդներ ու քաղաքացիներ՝ կրելով 20-րդ դարի մեծագույն ոճիրը դատապարտող պաստառներ և երգելով հայրենասիրական երգեր: Երթի մասնակիցները դեպի Սուրբ Աստվածածին էին շարժվում քահանաների առաջնորդությամբ՝ ջահերը ձեռքներին, ինչը նույնպես խորհրդանշական էր: Պատահական չէ, որ ճանապարհին նրանց էին միանում բազմաթիվ անցորդներ: Երթը դադար առավ Սուրբ Աստվածածին եկեղեցու նահատակած պուրակում գտնվող խաչքար- հուշարձանի մոտ, ուր Սուրբ Գրիգոր Նարեկացի եկեղեցու հոգևոր հովիվ տեր Վահան քահանա Ազարյանը, հոգևոր դասը աղոթք հնչեցրին առ Աստված անմեղ զոհերի հիշատակի համար:
