Տեղեկատվական կենտրոն
Նորություններ
Ծառատունկ Լոռու մարզպետարանի դիմացի պուրակում
25.03.2013
Եվրամիության կողմից իրականացվող “Թափոնների կառավարում – ԵՀԳԳ` Արևելք” տարածաշրջանային ծրագրի շրջանակներում անցած մի քանի տարում մի շարք բնապահպանական միջոցառումներ են իրականացվել Լոռու մարզում:
Հերթականը մարտի 23-ին էր: Լոռու մարզպետ պարոն Ա.Նալբանդյանի առաջարկությամբ,մարզպետարանի գյուղատնտեսության և բնապահպանության վարչության նախաձեռնությամբ ու “Թափոնների կառավարում – ԵՀԳԳ` Արևելք” տարածաշրջանային ծրագրի ֆինանսական աջակցությամբ մարզպետարանի առջևի պուրակում կազմակերպվեց ծառատունկ:
Միջացառման ընթացքում տնկվեց թույա տեսակի 20 մշտադալար ծառ: Ծառատունկին մասնակցեցին ՀՀ Լոռու մարզպետը, մարզպետի տեղակալները, մարզպետարանի աշխատակազմի աշխատակիցները, ԵՄ “Թափոնների կառավարում – ԵՀԳԳ` Արևելք” տարածաշրջանային ծրագրի աշխատակիցներն ու ծրագրի ղեկավար Արտեմ Խարազյանը: