Լոռու մարզպետի աշխատակազմ

Լոռու մարզպետարանում օրերս անցկացվեց ռուսերեն լեզվով ասմունքի ,,Կենդանի դասական,, մրցույթ, որին մասնակցեցին մարզի դպրոցական փուլերում հաղթած 7-րդ դասարանի աշակերտները: Մրցույթը անցկացվեց ՀՀ ԿԳ նախարարության, ,,Ռոսսոտրուդնիչեստվո,, կազմակերպության և Երևանում Մոսկվայի տան նախաձեռնությամբ: Մրցույթի նպատակն էր՝ երեխաների մեջ արթնացնել հետաքրքրությունը ռուս գրականության և ընթերցանության նկատմամբ, ի հայտ բերել տաղանդաշատ, ասմունքող երեխաներին: Մրցույթում հաղթող ճանաչվեցին Վանաձորի թիվ 1 դպրոցի աշակերտուհի Էլմիրա Գևորգյանը, Ստեփանավանի ավագ դպրոցի աշակերտուհի Դիանա Հովակիմյանը և Վանաձորի թիվ 4 դպրոցի աշակերտ Դավիթ Հովհաննիսյանը: Մարզային փուլի հաղթողները կմասնակցեն Երևանում կազմկերպվելիք հանրապետական փուլին, իսկ հանրապետական փուլում հաղթածները կմասնակցեն Մոսկվայում կայանալիք միջազգային փառատոնին:
-Մրցույթին մասնակցել են միայն ցանկությամբ: Ներկայացրած 30 հայտերի մասնակիցներն այդքան էլ չգոհացրին ժյուրիի անդամներին, ովքեր ռուսաց լեզվի մասնագետներ ու ստեղծագործող մարդիկ էին: Երեխաները հիմնականում արագ-արագ ներկայացնում էին ռուս դասականների ստեղծագործությունները` առանց ուշադրություն դարձնելու առոգանությանը,- ասաց ժյուրիի անդամ, Լոռու մարզպետարանի կրթության, մշակույթի և սպորտի վարչության պետի տեղակալ Էդիկ Մացակյանը: