Տեղեկատվական կենտրոն
Նորություններ
Խորովածի ավանդական փառատոն Լոռիում
10.09.2012
Սեպտեմբերի 8–ին արդեն չորրորդ անգամ Լոռու մարզի Ախթալայի վանքահամալիրի տարածքում անցկացվեց խորովածի փառատոնը, որը կազմակերպել էր «Հայ խոհարարական ավանդույթների զարգացման և պահպանման» ՀԿ-ն: Միջոցառմանը աջակցել են Լոռու մարզպետարանը, Ախթալայի քաղաքապետարանը, ՀՀ էկոնոմիկայի նախարարությունը:
Փառատոնին մասնակցելու հայտ են ներկայացրել հանրապետության 18 ռեստորան և անհատ կազմակերպություն, գործում է 25 տաղավար:
Խորովածի համտեսին այս անգամ էլ ներկա էին բարձրաստիճան պաշտոնյաններ, օտարերկրյա բազմաթիվ հյուրեր:
Հայաստանի տարբեր բնակավայրերից մարդիկ եկել էին Ախթալա՝ մասնակիցը լինելու խորովածի փառատոնի եւ համընդհանուր տոնախմբության:
Խորովածի փառատոնին իր տիկնոջ հետ մասնակցելու էր եկել նաեւ Հայաստանում ԱՄՆ արտակարգ եւ լիազոր դեսպան Ջոն Հեֆերմանը, գյուղատնտեսության նախարար Սերգո Կարապետյանը, Լոռու մարզպետ Արթուր Նալբանդյանը եւ այլ պաշտոնատար անձինք: ԱՄՆ դեսպանը նախ այցելեց Ախթալայի նոր կառուցվող համայքնային կենտրոն, հետո նաեւ վերջերս վերանորոգված մանկապարտեզ:
-Սկզբից ես կասկածում էի, որ փառատոնը կդառնա ավանդական: Հիմա ես համոզված եմ, որ խորովածի փառատոնը նպաստելու է Լոռու մարզում տուրիզմի զարգացմանը,- ասաց Արթուր Նալբանդյանը
Ախթալայի եկեղեցու բակում խորովածի տաղավարների շուրջ համախմբվել էին 18 ռեստորանային համալիրների ներկայացուցիչներ եւ 35 առանձին խմբեր, ովքեր պայքարում էին խորովածի փառատոնի մի քանի անվանակարգերում հաղթանակի հասնելու համար: Համեղ ուտեստների, մասնավորապես խորովածի բազմաթիվ տեսակների պատրաստումն ու համտեսն ուղեկցվում էր համերգային ծրագրով. Ախթալայում էին Հայստանի ճանաչված աստղեր, նաեւ՝ «Բյութիֆայդ փրոջեքթ» ռոք խումբը:
Ավանդական դարձած խորավածի փառատոնին արդեն երրորդ տարին անընդմեջ հաղթող ճանաչվեց «Արվասար» ռեստորանային համալիրը: (Տեսանյութ)