Տոնավաճառին մասնակցում էին Լոռու մարզպետ Ա. Նալբանդյանը, Վանաձորի քաղաքապետ Ս. Դարբինյանը, Զբաղվածության Պետական Ծառայություն» գործակալության պետ Սոնա Հարությունյանը, համայնքի ղեկավարներ, հյուրեր:Տոնավաճառին ներկայացել են 32 գործատու / 23-ը՝ Վանաձորից/՝ 520 թափուր աշխատատեղով /506-ը՝ Վանաձորում/: Գործատուները ներկայացրել են նաեւ 421 սպասվելիք աշխատատեղ /228-ը՝ Վանաձորում/:Միայն «Վանաձոր-Քիմպրոմ» ՓԲԸ-ն առաջարկում էր շուրջ 250 թափուր աշխատատեղ: «Անցած տարիներին այսքան աշխատատեղ չունեինք: Հիմա նոր արտադրություններ ենք սկսում: ՋԷԿ-ում էլ նոր տուրբիններ են աշխատեցնելու, սպասվելիք թափուր աշխատատեղեր կան»,- ասաց Քիմպրոմի ներկայացուցիչ Ջերմեն Տեր-Ստեփանյանը:Վանաձորի «Գլորիա» գլխամասային կարի ֆաբրիկան ներկայացրել էր կարող բանվորուհու, որակի հսկիչի եւ տեխնոլոգի շուրջ 50 թափուր աշխատատեղ:Ալավերդու «Էյ-ՍԻ-ՓԻ» ՓԲԸ-ն ներկայացրել էր ավտոկռունկավարի, էլեկտրիկի, մեխանիկի, ընդհուպ մինչեւ մեխանիկական արտադրամասի պետի տեղակալի աշխատատեղեր: «Թեղուտ» ՓԲԸ-ն կարիք ունի ինժեներական փորձով մասնագետների:Առաջին անգամ տոնավաճառին մասնակցում էր նաեւ բանկային ոլորտը: «ՊրոԿրեդիտ Բանկը» ներկայացնում էր «Երիտասարդ բանկիր» ծրագիրը: «6 ամիս տեւողությամբ ինտեսիվ ծրագիր է՝ եւ՝ պրակտիկ, եւ՝ տեսական դասընթացներով: Այդ ընթացքում նրանք բանկի կողմից վճարվում են ՝ սկսած 50 000 դրամից: Դա կախված է փորձից, կրթությունիից: Երեւանից դուրս մասնակիցներին բնակարան է տրամադրվում, որովհետեւ ծրագիրը Երեւանում է իրականացվում: 6 ամիսը հաջողությամբ հաղթահարած մասնակիցները ստանում են «ՊրոԿրեդիտ Բանկում» աշխատելու հրավեր»,- ասաց բանկի PR պատասխանատու Հերմինե Հակոբյանը:Բացի գրանցված գործատուներից թափուր աշխատատեղերով ներկայացան նաեւ այլ գործատուներ՝ մեծացնելով աշխատանք գտնելու հավականությունը:Մեծ էր նաեւ աշխատանք փնտրողների թիվը: Ոմանց համար սա մեծ հնարավորություն է գտնելու համապատասխան աշխատանք:Զբաղվածության Պետական Ծառայություն» գործակալության պետ Սոնա Հարությունյանի խոսքով առկա իրավիճակի վերլուծությունը եւ գնահատումը հնարավորություն կտա հետագայում հստակեցնելու քաղաքականությունը, մշակելու նոր ծրագրեր, ինչը կնպաստի տնտեսության զարգացմանը: Անցած տարի տոնավաճառից հետո 89 մարդ տեղավորվել է աշխատանքի: Այս տարվա արդյունքները կամփոփվեն երկշաբաթյա ժամկետում:
