Տեղեկատվական կենտրոն
Ուղերձներ, շնորհավորանքներ
Հարգելի մանկավարժներ, դասախոսներ, թանկագին աշակերտներ, ուսանողներ
01.09.2011
Նոր ուսումնական տարին յուրօրինակ թարմություն է բերում յուրաքանչյուր բնակավայրի: Բակ, փողոց ու դպրոց լցվում են մանուկների զրնգուն ծիծաղով, աշխույժով, պատանիների ու աղջիկների երիտասարդական շնչով: Ամեն տարի սեպտեմբերի մեկը մենք դիմավորում ենք առանձնահատուկ հանդիսությամբ, քանզի գիտելիքի, լուսավորության նկատմամբ սերը դարեր ի վեր մեզանում դարձել է կենսական պահանջ:
Այս տարի Լոռու մարզի 163 դպրոցներում կհնչի առաջին զանգը՝ դասի կանչելով ավելի քան 30 հազար աշակերտների, հազարավոր ուսանողներ կմասնագիտանան թվով վեց բուհերում, 13 քոլեջներում եւ ուսումնարաններում:
Սակայն գիտելիքի օրը սոսկ սովորողների տոնը չէ, այլեւ բազմահազար մանկավարժների, նաեւ՝ ծնողների, ամեն մի հարկի:
Ջերմորեն շնորհավորում եմ Գիտելիքի օրվա առթիվ, մաղթում ճշմարիտ դաստիարակություն, բարձր մակարդակի ուսումնառություն:
ՀՀ ԼՈՌՈՒ ՄԱՐԶՊԵՏ
ԱՐԹՈՒՐ ՆԱԲԱՆԴՅԱՆ